အမှန်အကန် ပြောသည် ဖဲ့သည်

အမှန်အကန် ပြောသည် ဖဲ့သည်

စာဖတ်သူမိတ်ဆွေ ယခုစာကို ဖတ်ပြီး သင်သည် ပျော်ရွှင်လိမ့်မည်ဟု ကျွန်ုပ်အာမ မခံပါ။ ထိုအတူ သင့်အနေနဲ့ အကျိုးမရှိနိုင်ပါ။ ထိုကြောင့် ကျွန်ုပ်ရေးသော ယခုစာကို သင်မဖတ်ခြင်းသည် သင့်အတွက် ပိုမိုအကျိုးရှိလိမ့်မည်ဟု ကျွန်ုပ် ထင်မြင်ပါသည်။ ယခုရေးသောစာသည် ကျွန်ုပ်၏ခံစားမူများသာ ဖြစ်ပေသည်။ တဖက်သားကို ထိခိုက်စေမိသော၊ အပြစ်လုပ်မိသလိုဖြစ်သွားသော် အားလုံးသည် ကျွန်ုပ်တဦးထဲတွင်သာ တာဝန်ရှိပေသည်။ ယခုစာသည် ဝေဖန်ရေးဆိုသည်ထက် (ကျွန်ုပ်၏ ၀ါသနာအရသော်လည်းကောင်း မကျေနပ်ချက်များကြောင့်သော်လည်းကောင်း ကျွန်ုပ်အမြင် မကြည်သူကို ပေါ်ပေါ်တင်တင် ပြောဆို ပြစ်တင်ခြင်းသာ ဖြစ်ပေသည်)မကောင်းသော အမြင်၊အပြစ်များကိုသာ ရေးသားထားခြင်း ဖြစ်ပေသည်။ ကြိုတင် ပြောကြားလိုသည်မှာ ယခုစာနှင့်ပတ်သက်၍ သင်တို့မကြိုက်သော၊ မနှစ်မြို့သော် စိတ်ကြိုက် ပြောနိုင်ပေသည်။ စိတ်ကြိုက်ဝေဖန်နိုင်သည်။ စိတ်ကြိုက်ပြန်ဖဲ့နိုင်သည်။ သေချာသည်ကတော့ ကျွန်ုပ်သည် (ပုန်းကွယ် တိုက်ခိုက်ရသည်ကို မနှစ်မြို့သူတဦးဖြစ်သဖြင့် ကျွန်နော် ထိုသူတဦးတယောက်ကို မကျေနပ်ပါ အမြင်မကြည်ပါဟု တိုက်ရိုက် သိစေလိုသောကြောင့် ဖြစ်ပေသည်) သူတပါးလို့ အမည်မသိ ခိုးကြောင်ခိုးဝှက် လုပ်လေ့မရှိသော ကိုယ့်ဟာကို သာမာန်လူတွေထဲက သာမာန်လူတယောက်သာ ဖြစ်ကြောင်း ၀န်ခံပါသည်။ (လူဆိုသည့်အမျိုးသည် ကိုယ့်အပြစ်ကို မမြင်တတ်သော သူတပါးအပေါ်တွင်သာ အပြစ်ရှာကြံမြင်တတ်သူများဖြစ်သဖြင့် အကယ်၍ ကျွန်နော့်အပေါ်တွင်လည်း မကျေနပ်သည်များရှိက အမြင်မကြည်သည်များရှိက ပေါ်ပေါ်တင်တင် ပြန်လည် တိုက်ခိုက်နိုင်သည်ဟုလည်း ဒီနေရာမှ အသိပေးလိုပါသည်။ ထိုမှသာ ကျွန်နော်၏ အပြစ် အနာအဆာများကိုလည်း သိနိုင်မြင်နိုင်ပေမည် ဖြစ်လေသည်။) ထိုအတွက် ကျွန်ုပ့်ကို ပြန်ဖဲ့ချင်လျှင်၊ ဝေဖန်ချင်လျှင် နာမည်ရင်း၊ လိပ်စာမှန်များနှင့် ဝေဖန်ကြလိမ့်မည်ဟု ကျွန်ုပ်မျှော်လင့်ပါသည်။

ယခု ကျွန်ုပ် ဝေဖန်၊ကဲ့ရဲ့လိုသူမှာ (ဘလော့ဂါမမများအကြားတွင် မကြာမှီကမှ သားကလေးမွေးဖွားထား၍ ရေပန်းစားနေသော) အားမာန်သစ်(ဘလော့ ပိုင်ရှင် သီဟသစ်ဆိုသူပင် ဖြစ်ပေသည်)ဆိုသော ဘလော့ဂါကို ရေးသားသူ သီဟသစ်ဆိုသော ဘလော့ဂါဆိုသူ တယောက် အကြောင်းပင် ဖြစ်ပေသည်။

လူတိုင်းသည် တချိန်ကြလျှင် အိမ်ထောင်ပြု၊ အနှောင်အဖွဲ့နှင့် နေချင်ကြပေသည်။လူတိုင်းသည် ကိုယ့်အိမ်ထောင်ကို တည်မြဲစေလိုကြပေသည်။ ထိုကြောင့်လူငယ်ဘလော့ဂါအများစုမှာ အိမ်ထောင်ပြုထားသူ အကိုများ၏ အတွေ့အကြုံကို မေးမြန်းကြလေသည်။ သို့ပေမဲ့ ထိုသူသည် သိချင်သောကိစ္စများကို သေချာမဖြေပဲ ဝေ့လည်ကြောင်ပတ်ဖြေတတ်ပေသည်။ သူပြောနေသော စကားတခွန်းရှိပေသည်။ ထိုသည်မှာ "အိမ်ထောင်ပြုသည်ဆိုသည် ဂျင်းတက်အခွံနွာရသည်လောက် မခက်ခဲ" ဟူ၍ ဖြစ်ပေသည်။ ဒါပေမယ့် ကျွန်ုပ်တို့ မျက်မြင်ကိုယ်တွေ့မှာ ထိုသူသည် လေသာကျယ်၍ တကယ်တမ်း မိန်းမ စိတ်ကောက်မှာ အလွန်စိုးရိမ်ကြောင့်ကြသူဖြစ်ပေသည်။ ဖုန်းလာလျှင်ပင် ကျွန်ုပ်တို့အနီးမှ ဖယ်ခွာ၍ တိုးတိုးတဖုံ ခေါင်းတညိတ်ညိတ်လုပ်၍တဖုံ ပြောတတ်ပေသည်။ထို့ကြောင့် ကျွန်ုပ်သည် ထိုသူနှင့် တွေ့လျှင် လေသာရှိ၍ အဆံမရှိသော သင်္ကြန်အမြှောက်ကိုသာ ပြေးမြင်မိလေသည်

ထိုအပြင် ထိုသူသည် လူအများကြားစကားဖောင်ဖွဲ့ပြောဆိုနေလျှင် အလကားနေရင်း ရီမောနေတတ်ပြန်သည်။ ထို့ကြောင့် ထိုသူသည် အူကြောင်ကြောင်နိုင်သူဟု ကောက်ချက် ချမိသည်။ အကယ်၍ စာဖတ်သူသည် ထိုသူနှင့် ဆုံတွေ့စရာ ကိစ္စရှိသည်ဆိုပါမူ တကိုယ်လုံး အကာအကွယ် ယူထားသင့်သည်ဟု ကျွန်ုပ် အကြံပေးလိုသည်။ (ထိုသူနှင့်စကားပြောဆိုလျှင် ကိုယ့် တကိုယ်လုံးကို အကာအကွယ်ယူထားမှသာ သင့်တော်ပေသည်။) အဘယ်ကြောင